ZEGAMAKO MERKATUAN BERMATU BEHARKO DIREN BALDINTZA SANITARIOAK
Eusko Jaurlaritzatik, Osasun sailburuaren 2020ko apirilaren 14ko Agindua eman da, zeinaren bidez ezartzen baitira nekazaritzako eta abeltzaintzako elikagai eta produktuen zuzeneko salmentako merkatu eta azoka tradizionalen (normalean, asterokoak) baldintza sanitarioak eta arautzen baita EAEko zenbait udalerritan denda-ibilgailuak baliatuz saltoki ibiltariek gauzatzen duten jarduera.
Horren arabera, Zegamako asteroko azoka maiatzaren 7tik aurrera berriz ere egiten hasteko aurreikuspena dago, eta ondorio horietarako, 2020ko maiatzaren 6ko Alkatetza ebazpena eman da, bertan bete beharreko baldintza sanitarioak jasoz.
Herritarrei informazio idatzia.
Gipuzkoako Foru Aldundiko Ekonomia Sustapeneko, Turismoko eta Landa Inguruneko departamentuak, Gipuzkoako erakunde sare zabalarekin batera, COVID-19ak eragindako egoeraren aurrean, laguntza bide batzuk ireki ditu.
INFORMAZIO EGUNERATUA ETA LEKU BEREAN
Gipuzkoako Foru Aldundiak sortu duen plataforman:
https://www.gipuzkoa.eus/eu/web/covid19ekonomia
Gipuzkoako Psikologia Elkargo Ofizialaren mezua
COVID-19a arrazoi duen osasun krisia eta jasaten ari garen Alarma-Egoera kontuan hartuta, Gipuzkoako Psikologia Elkargo Ofizialak biztanleriari telefono bidezko arreta psikologikoa eskaintzeko elkargokideen artean bolondresen zerrenda bat burutu du.