2021-05-19

PARTAIDE BERRIEI ONGI ETORRIA EGIN DIETE GAZTELEKUAN

Pasa den larunbatean, maiatzaren 15ean, aurten 12 urte betetzen dituztenei ongi etorria egin zieten gaztelekuko beste kideek.

Jolasak, altxoarren bila... ederki pasatu zuten nerabeek.

Guztira, 18 nerabe izango dira aurten gaztelekuko ekintzetan parte hartuko duten partaide berriak. Uda garaian izango dute aukera gaztelekutik antolatzen diren ekintzetan izena emateko.

ONGI ETORRI BELE GAZTE GAZTELEKURA NESKA-MUTILAK!!!


2021-05-15

PARTAIDE BERRIEI ONGI ETORRIA GAZTELEKUAN

Larunbat honetan, maiatzak 15, festa handia izango dute gaztelekuan.

Aurten 12 urte betetzen dituzten nerabeei ongi etorria egingo diete gaztelekuko gainontzeko nerabeek.

Hitzordua arratsaldeko 17:00etan izango da, kultur etxe aurreko plazan. Jolasak, musika... izango ditugu, hain berezia den egun hau partaide berriek ahaztu ez dezaten.


2021-05-08

PARTAIDE BERRIEI ONGI ETORRIA PRESTATZEN

Aurten 12 urte beteko dituzten nerabeei ongi etorria egingo diete Bele Gazte Gaztelekuan maiatzaren 15ean, datorren larunbatean.

Asteburu honetan, egun honetako prestaketa lanetan ibiliko dira gainontzeko nerabeak gaztelekuan.


2021-05-03

EGUNEAN BEHIN JOKOAN GAZTELEKUKO TXAPELKETA

Maiatzaren 3an eman zaio Egunean Behin Lehiaketako 7. denboraldiari hasiera.

Galdera-erantzunen euskarazko joko hau maiatzaren 3an hasi eta uztailaren 11 arte egongo da martxan denboraldi honetan.

Bele Gazte Gaztelekuko nerabeek taldea osatu dute eta astero sariak banatuko dira irabazleen artean.


2021-04-26

UDAKO ESKAINTZA ZEGAMAKO HAUR ETA NERABEENTZAT

Zegamako haur, nerabe eta gazteen ekimenak eta parte hartzea sustatzeko zerbitzutik, Zegamako Udalak, udaleku irekiak eta udako haur txokoa antolatu ditu 2021eko udaldirako.

Eskaintzaren informazio zehatza, albistean klikatu eta behean agertzen den dokumentuan aurki dezakezue.



2021-04-23

ZIBERSEGURTASUNEKO SAIOAK. NERABEEN TXANDA

Aste honetan, nerabeen gurasoekin, zibersegurtasuneko sentsibilizazio eta kontzienziazio saioa egin da. Balorazio oso positiboak jaso dira gurasoen aldetik eta saio aberasgarria izan da.

Ostiralean, hilak 23, nerabeen txanda izango da gai hau lantzeko.



2021-03-31

ZIBERSEGURTASUNERAKO KONTZIENTZIAZIO ETA SENTSIBILIZAZIO SAIOAK GURASO ETA NERABEENTZAT

Nerabezaroa konektaturik; internet, mugikorrak eta sare sozialak, ezinbestekoak seme alabentzat?

Zegamako Udaleko Gazteria Sailak guraso eta nerabeei zuzenduta, zibersegurtasunerako kontzientziazio eta sentsibilizazio saioak antolatu ditu.

Gurasoei zuzendutako saioa APIRILAREN 21ean, 18:30-20:30etara izango da eta EUSKARAZ emango da. Kontutan izan, gurasoek aurrez izena eman beharko dutela parte hartzeko.

Nerabeekin berriz, udaleko gazteria suspertzailea jarriko da harremanetan beraiekin jardunaldiak antolatzeko.

Jardunaldiei buruzko informazio gehiago jakiteko, klikatu albistean eta hor barruan hiru dokumentu daude.


2021-03-29

ZEGAMARREK 3. POSTUAN AMAITU DUTE ZUK ZEUK LEHIAKETA

Zegamako Bele Gazte Gaztelekuko BELEKOIAK TALDEAK Zuk Zeuk Lehiaketan 3. postua lortu du. Ligan primeran aritu ziren finalera sailkatzea lortuz. Pasa den astean izan zen finala eta behin eta berriro beraien kemena eta lan egiteko gogoa agertu dute, 3. postua eta 920€ko saria beraienganatuz. Talde bikaina osatu dute eta lan asko egiteaz gain esperientzia aberasgarria izan da.

Irabazitako dirua, bidaia bat egiteko deskontu bezala erabili beharko du taldeak, taldeari egokitutako bidaia bat izango delarik.

Orain gozatu oporrez eta disfrutatu!!!!

Zorionak eta bejondeizuela talde!!!!


2021-03-27

EKINTZA LIBREA GAZTELEKUAN

Larunbatean, gaztelekuko espazioaz gozatzeko aukera izango dute Zegamako nerabeek.

Ohiko moduan, drive bidez partekatutako zerrendan eman beharko da izena.


2021-03-26

ZUK ZEUK LEHIAKETAKO SARI BANAKETA

Martxoaren 26an, arratsaldeko 16:00etan, Zuk Zeuk Lehiaketako sari banaketa izango da. 

Zegamako Bele Gazte Gaztelekuko Belekoiak taldeak parte hartuko du sari banaketan. Zorte on talde!!!


Denera 5 orrialde