TREBANerabeak. Gipuzkoako Foru Aldundiko Gazteria Zuzendaritzak eta Gipuzkoako Udalek elkarlanean antolatutako doako nerabeentzako prestakuntza-eskaintza da eta aurtengo ikasturtean lehen aldiz jarri da abian. 12-16 urte bitarteko Gipuzkoako nerabeei beren ahalduntze-prozesuan lagunduko dien prestakuntza-eskaintza da hain zuen ere, nerabeen bizi-kalitatea eta aukerak hobetzeko helburua duena. Zegaman, 12-16 urte bitarteko nerabeentzat bi saio eskainiko dira. “ SEXUALITATEA: oinarrizko ikastaroa/ Gorputza eta harremanak”. Urriak 24 eta 31an (ostiralak) 17:00etatik 19:00etara, Ageda Blasco trebatzailearen eskutik. Izena emateko 690 26 48 43 (Aitzol-Ainitze) telefono zenbakira whatsappez idatzita edo Gaztelekuan bertan (plaza mugatuak), urriak 22 baino lehen.
TREBAGurasoak. Gipuzkoako Foru Aldundiak eta Gipuzkoako Udalek gurasoei zuzendutako TREBA Gurasoak prestakuntza ekimena jarria dute abian. Gurasoak hezkuntza gaitasunetan trebatuz, haurren eta nerabeen bizi-kalitatea eta aukerak hobetzea du helburu programa honek. Zegaman, haur eta nerabeen gurasoentzako (0-17 urte bitarteko seme-alabak dituzten gurasoentzat) “GURE EMOZIOAK KUDEATZEN, SEME-ALABEN BIDELAGUN IZATEKO” hitzaldia antolatuko da. Urriaren 1ean, asteazkena, 18:00etatik 19:30etara Gaztelekuan izango da Miren Ros trebatzailearen eskutik eta hitzaldia euskaraz izango da. Izena emateko liburutegia@zegama.eus helbidera idatzi beharko da irailaren 29 aurretik .
Informazio gehiagorako deitu 690264843 telefonora.
